Pensjo­nisten som aldri blir utlært

Kunnskap i stadig utvik­ling

«Den dagen du trur du er utlært, då kan du pakka snipp­øskja,» seier Svein – og lever som han lærer. Hos SMART Automa­tion er han ein sparrings­partnar for prosjekt­teama, ein støtte­spelar for nye tilsette og ein fagres­surs når kompli­serte system skal disku­te­rast. Særleg dei nye hybride framdrifts­sys­tema – der batteri, genera­torar, frekvens­om­for­marar og avanserte automa­sjons­løy­singar skal spela heilt i takt – gir mykje å bryna seg på.

Ein pioner i bransjen

Svein er også ein av hovud­men­nene bak den prisvin­nande Low Loss-tekno­lo­gien. Saman med Egil Hystad utvikla han konseptet for om lag tjue år sidan, ei paten­tert løysing som mellom anna gir DP-fartøy betre redun­dans, høgare sikker­heit og et vesentleg lågare drivstoff-forbruk i alle drifts­ope­ra­sjonar. (DP betyr dynamisk posisjo­ne­ring, altså at eit fartøy brukar eit datastyrt system for å halda seg nøyaktig i same posisjon utan anker.) Tekno­lo­gien er levert til over 300 fartøy globalt.

I SMART Automa­tion har han mellom anna bidrege med elekt­riske analyser som DNV krev, og utvikla eit eige verktøy for dette som fleire no meistrar. — Det er kjekt å sjå at andre tek dette vidare, seier han.

Livet mellom fjord og fag

— Eg har arva eit lite, veglaust småbruk i Åkrafjorden etter faren min, Olav. Men eg vaks opp i Ølen, der me flytta til då eg var to år. Så garden er meir som ein fritids­ei­gedom og hobby. Det er ein brå overgang å gå over frå full jobb til pensjo­nist­til­væ­relse. Derfor har det passa bra å halda litt i faget mitt, ja, og særleg om vinteren er det begrensa kor mykje eg får gjort på ættegarden inni fjorden. Den idylliske garden Djuve ligg på nordsida av Åkrafjorden, rett nord for Markhus. — Så har me jo barne­barn, den minste er åtte år no og me har hatt veldig mykje kjekt og fine stunder med desse smårol­lin­gane.