TV-reparatør…, kva er det?
Atle Håvik drar på smilet når han fortel at han utdanna seg til å bli TV-raparatør, men då han skulle i lære etter sommarferien forsvann både VHS-spelarar og bilderøyrskjermar! Heile marknaden kollapsa…
Søkte læreplass med feil papir
– Etter militæret søkte eg på ein læreplass i Smart Automation i 2004 – med feil papir, fortel Atle. Det var det ingen som oppdaga og eg fekk læreplass. Då feilen blei oppdaga måtte eg ta automatikar-utdanninga som privatist medan eg var lærling, så det løyste seg.
– Snart 20 år…. Huff, det er lenge…., kommenterer han ettertenksomt om tida han har vore i SMART Automation. Eg byrja som lærling i produksjonen. Jobba der til 2008. Då begynte eg å reisa, farta rundt i verda i seks år. Etter at eg fekk eit illebefinnande, ei lunge som kollapsa, anbefalte legen meg å ikkje fly på eit år. Fekk då jobbe på her på huset som prosjektleiar.
Det er stillingstittelen eg framleis har, men eg ser for meg at i ei større bedrift er prosjektleiaren meir delegerande. Eg leiar jo berre meg sjølv, og gjer det meste sjølv. Flikkar på teikningar og bytes i programvara, definitivt ei potetstilling.
– No jobbar eg med nokre båtar som kunden vår bygger i Tyrkia, me lager ballast-styringssystem til dei. Eg samhandlar her ein del med reiarlaget, fordi me kjenner dei godt etterkvart. Ofte er det verftet me har dialogen med.
Det er mykje «nerding» i å vera prosjektleiar hos oss. Me har i utgangspunktet ein standard på systema våre, men me kan få dei til å gjera det meste kunden ønsker. Me er ganske gode på integrering og ein fordel med at mange har jobba her lenge, er erfaringa på korleis ting bør gjerast.
– Eg trivst godt, tenkjer han etter…, må jo det, elles ville eg vel ikkje blitt så lenge? – Veit ikkje om graset er grønare andre stader.
Bur i Bjødledalen
– Heime er det meg og hunden, ein dansk-svensk gardshund, eller gardabikkje om du vil. Så stor at den kan bli med i marka, for tanken var nemleg at eg skulle begynna å jogga då eg fekk meg hund. Det skjedde aldri, innrømmer Atle. Hunden er samtidig så liten at om eg har gjort noko feil i oppdraginga, så klarar den ikkje å pryla meg opp. Veldig mykje godt selskap, mykje repeterande gøy, som å dra i det same handkledet. Eg har hatt hunden i seks år.
Blitt litt motorsykkelmann dei siste somrane
Atle fortel om ein del artige turar som han har køyrt med broren. Han skulle eigentleg berre ha seg ein cruiser til å kjøpa softis i Haugesund med. – Her er pengane, eg drit i kva sykkel det er, sa han til broren etter å ha leita på Finn etter motorsykkel. – No er eg så lei. Så då kjøpte broren ein sykkel til å køyra litt meir offroad med, ein adventure-sykkel.
Dei har vore på ein del turar. Etter å ha leita etter grusløyper i Noreg utan å finna noko, i alle fall ikkje på Vestlandet. Og så er det ikkje lov å køyre i skogen i Noreg, medan nedover i Europa går det eit nettverk av løyper der ein har lov å køyra – grus og heilt offroad, merkt som Trans Euro Trail. Der var me sist sommar, og køyrde gjennom Noreg, Sverige, Polen Tyskland og Danmark og heim. – Me hadde eit mål om å stressa oss litt i ting me ikkje kan, fortel Atle. Har blitt ei lita greie, ein sommarferieaktivitet. Kjempegøy!
Lærerikt og kjekt
Tilbake på jobb meiner Atle at ein lærer utruleg mykje når ein er ute og reiser. Då skal du rydda opp våre problem, i tillegg til andre sine. Diagnostisera. Om ikkje fikse, så iallfall påpeike kor feilen ligg. Dei som reiser for oss blir sterke folk, avsluttar Atle. Og han veit kva han snakkar om, «been there – done that»!
Atle Håvik
Stilling/funksjon: Prosjektleiar
Alder: 40
Utdanning/bakgrunn: Service elektronikk-lyd-bildsystem/automatikar
Starta i SMART Automation: 2004
Lyst å vite meir?
Ta kontakt via info@smartautomation.no,
eller ring oss på +47 53 42 88 00 for å høyre mer!
SMART Automation AS
Hollundsdalen 5
5430 Bremnes, Norway